سلام عليكم البناتندخل مباشرة الموضوع واحد صاحبتي قالت ليها بنت عمتها من اوريكة على ماسك و قالت لي تنعجز الا بغيت ندير شي حاجة و انا نقول ليها هني راسك نصايبو و نجيبو ليك ايوا درتو قسمتو على ثلاثة ثلث ليها و ثلث خلليتو لي و ثلث عطيتو لبنت خالي تتجي تعاونيانا بديتو الاسبوع اللي فايت درتو غير شي جوج مرات صاحبتي دارتو مرة و عجزات اوا هاد بنت خالي جات عندي ش 5 ايام هادي و الله العظيم حتى نبهرت من وجهها و انا نقول ليها وجهك ضوا و بياااااض و الاهم من كلشي كان وجهها مثقب مع كان فيها شي وقت حب شباب اوا المهم ان بشرتها بدات تتسددو ليها المسام و ماشي انا اللي لاحظتها كانت عندي عمتي قالت ليها بنيتي وجهك غزال و شقتو بدا تصفى مزيان و هي تقول ليها ماسك عطاتو لي سكينةاوا منكونش من العاجزين وليت تندرو 2 مرات حتى 3 في النهار و وجهي و الله العظيم نور و بياض لي وولى رطيطب بززاف
اوا الالة تاخدي 2 كيسان حليب ديرهم في كاسرونة و خدي صابونة صغيرة صابونة الكف قسميها على جوج و استعملي غير نصها
فهمتو 2 كيسان حليب مع نصف صابونة صغيرة كف تخلليهم فوق البوطة حتى يولليو بحال الكريم و نحركو بملعقة ديال اللوح اوا منين يعقاد نخويو فوقو ماء ورد انا و عيني هاد الكمية درت فيها ثلث ديال قرعة الورد مكونة يعني قل من نصف القرعة اوا حركو مزيان فوق العافية و طفيو و وخت يبان ليكم جاري و كبوه في شي طويسة و خلليوه يبرد في العشية تلقاوه وللى كريم عاااااااقد اوا الالة بداي تدهني ووجهك و خلليه شي 20 دقيقة و غسلي وجهك و دهنيه بشوية زيت العود و يفضل منين ديريه متخرجيش من وراه حيتاش زيت العود الا خرجتي بيه يسمر ليك الوجهتقدري ديريها كثر من مرة في النهار و الطويسة ديريها في الثلاجة شي اربعة ايام و لا خمسة و بدلي تانيو الله العظيم غير دوزو اسيوع و ردو علي الخبار قولو لي
تعليقات
إرسال تعليق