ظواهر_غامضة تحت عنوان "بوغطاط".

اقرا ايضاOrange Egypt وDeezer يتعاونان لتقديم خدمة الموسيقى

اقرا ايضابطولة الماسترز 2020 داستن جونسون يفوز في أوغوستا برقم قياسي يبلغ 20 دون المستوى

اقرا ايضايوتيوب يلغي فيديو الإرجاع بسبب فيروس كورونا

اقرا ايضاأوباميانغ لاعب أرسنال يتجاهل انتقادات كروس للاحتفال بهدفه

السلام للجميع اليوم كيف واعدتكم غايكون لكم موعد مع الحلقة 14 من سلسلة #ظواهر_غامضة تحت عنوان "بوغطاط". بالنسبة للناس لي ماكيعرفوهش واخا كانظن أنو الأغلبية عاشوه ... فهو شيء مزعج وأحيانا كيشكل الرعب للواحد فنعاسو لأنو كتر من شي حاجة سميتها "كوشمار" (حلم خايب). وهو ماعروف عندنا ب"بوغطاط" ولكن فالعالم العربي معروف ب"الجاثوم" أما بالمعنى الصحيح هو "شلل النوم".

هاد "بوغطاط" أو "شلل النوم" كيختالف من واحد للآخر يعني فيه بزاااااااف... وتقدر تكون عشتيه كل مرة فشكل ونتا ماعارفش، حنتاش كاين البعض لي كيربطوه غير بأنو شي حد حابسك ماتتحركش فقط! تقدر تحلم بشي حد تابعك ونتا ماقادرش تهرب منو+تقدر تبغي تغوت على شي حد فدار وتكتاشف أنو صوتك ماقادرش يخرج+تقدر تسمع اصوات مرعبة+تقدر تشوف وتتخيل شي حد جاي لعندك+تقدر تكون كاتخنق أولا تتخيل انو شي حد كيخنق فيك وبزاااف... وهادشي كااامل ماكيطراش غير صدفة هو راجع لبزاااف ديال الأسباب!

قبل ماننسى! منين كيشدك "بوغطاط" راك كاتكون مافايق ماناعس! يعني بحالة كاتكون ناعس وكاتزرب على راسك بالفيقة وفهاد الحالة ماكاتفيقش فيقة طبيعية... هانتوما أنحاول نشرح ليكم شوية بشوية باش تفهمو شنو هو بظبط... دابا نتي فالعادة كاتكوني ناعسة ومنين كاتكوني ناعسة جميييع عضلاتك كيكونو مرخيييين ومنين كاتبغي تفيقي دماغك كيرسل لجميع العضلات باش يستاعدو باش كي تفيقي تتحركي بطريقة طبيعية... هدا العادي... أما منين كيكون شادك "بوغطاط" بحالة قلتو الدماغ كيبدا يضرب ويزكل مسكين أولا كيتكوسل .. حنتاش شي بعد المرات دماغنا كيعورها بحالنا فا فهاد اللحظة كاتفيقي يعني كاتكوني واعيا بداكشي لي ضاير حداك لكن فنفس الوقت ماقادراش تتحركي حنتاش السي الدماغ مفهم عضلاتك على أنو نتي بااااقا ناعسة... وباش كيزيد يكملها كيجيب ليك هلوسات وهادي هي الكارثة! إيوا وديك ساعة نتي وزهرك فشنو يجيك يا شي حد قاجك يا شي حد تابعك يا كاتبان ليك ماماك فديك اللحظة وكاتبغي تعيطي ليها وماقاداش يا ياكلك نيفك وماقاداش تحكيه ههه مهم هناك أنواع وأنواع... دابا عرفتو شنو هو... كيف قلت فلول ماكيجيش هو غير صدفة والدماغ ماكيتكوسلش مسكين لخاطرو... كاين بزااف دالأسباب لي خاسكم ضروري تعرفوهم وهاكدا غاتقدرو تتجنبوه حنتاش ماتستاهنوش بيه! راه كيدير بزااف ديال الأعراض لي خايبين خصوصا لاكان مكرر مع الشخص يدير ليك ضعف فالتركيز ويتسبب ليك فالإكتئاب و الأرق ويقدر يتسبب ليك فشلل جزئي لاقدر الله وماتعجبوش من هادشي عرفتو علاش؟ حنتاش بحالة شديتو شي حاسوب وبقيتو تحيدو لبريز وترضوه تحيدوه وترضوه يعني تاطفيو وتشوعلوه بلا ماتعلموه عن طريق تطفيوه بالطريقة الطبيعية فهاد الحالة حاجة عادية يخسر أولا مايرجعش كيف كان..تاحنا بحال هاكاك... وسبابنا باش كانطيحو فيه (بوغطاط) بزااف دلحوايج منهم منين كاتحمل راسك شي حاجة كتر من طاقتك يعني كادير مجهود لي فايت قدرة تحملك + التوتر + القلق + قلة النوم + لاخديتي شي مهدء + لا بقيتي كل مرة تنعسي فوقت لا علاقة بلاخور يعني ماكانش عندك نظام فوقت النوم + وأخطر حاجة ولي طرات ليا أنا شخصيا وكانت هي سبابي فيه مع أنا عشتو بأشكال متنوعة مانقولش ليكم... لكن دابا الحمد لله عرفت السبب ومابقاش كيجيني نهائيا وهو أنو تنعسي ونتي مغطية راسك! وانا عارفة بللي شحال من واحد غايكون كيديرها لي كيوقع منين كاتغطي راسك ماكيبقاش يوصل الأكسيجين الكافي للدماغ إيوا دسك شاعة مسكين بسيف مايضرب ويزكل وهاد المسألة خايبة بزااف والله وتسببات فبعض حالات الوفاة الله يسترنا ويستركم فلي كاديرها تحااول تحيدها!

وبالنسبة لعلاجو أو الوقاية منو راه باينة ديرو العكس ديال الأسباب لي قلتهم مامحتاجاش نقوليكم نعسو بالقدر لي يكفيكم ديرو شوي درياضة غا حركات خفيفة شوي فصباح،ماترهقوش راسكم بعدو على اي حاجة توتركم الخ.. وذكرو الله قبل ماتنعسو وان شاء الله كانواعدكم بللي والله لا جاكم سوى لي كان فايت جاهم أولا لي عمرو ماجاهم أولا لي حاكر عليهم.

هادي كانت نهاية حلقتنا نتمنى مانكونش قويت عليكم حاولت نختاسر ونتمنى تكونو خديتو منها استفادة ...

دمتم هانيين