بالصور لن تصدق من هى حفيدة فريد شوقى وهدى سلطان فنانة مشهورة ومعروفة

اللي بغات شعرها يطوال بسرعة صاروخية (وصفة لا تصلح للحوامل) 

والله والله والله هذ الوصفة مضموووونة  والشعر تيطوال اكثر من 4 سنتمتر فالشهر وكاين اللي اكثر كل وحدة وزغبتها

هي حاجة وحدة لي غتحتاجي  

غتمشي للبارافارماسي وغتقولي ليها تعطيك الزيت الاساسي ديال الازير 

Huile essencielle de romarin 

راها قريعة صغيورة قد التقطيرة ديال العينين فيها واحد الزيت طيار لونه ابيض شفاف وريحتو مجهدة بحال فليو

غاتاخذي رشاشة وتعمريها قياس كاس العنبة ماء نقي (ماشي ديال الروبيني) وتزيدي عشرة النقاط بالحساب من الزيت وقبل ما تنعسي رشي الجلدة ديال راسك مزيان ومشطيه ورأسك التحت وصافي 

بغيتي تلوي باتشا او تديري فولار اللي بغيتي

الريحة دغيا تاطير والشعر تيرجع رطب ومسبسب وراها تتوقف التساقط من اول استعمال 

وماشي مادة دهنية يعني الشعر تيبقى فنننننن وخلاص خاصة إيلا درتي باتشا

الازير كيوقف التساقط من اول استعمال 

بلاش الزيت الا مابغيتيش

خوذي غير الازير من عند العطار وطبخيه وصفي ألما ديالو وبداي ترشي بيه الجلدة كل ليلة او كل صباح اللي بغيتي حسب ظروفك

على رقبتي المشطة غتلقاي فيها جوج زغبات ومن اول شهر غتشوفي الخلفة طالعة فراسك كلو

انا كنفضل الزيت لانه ماتيلونش الشعر لان الازير كيعطي واحد اللون نحاسي ماعجبنيش وكذلك الريحة مختلفة وايضا كيوسخ المخدة والفولار وايلا قطر على الحيط او الحوايج كيطبع وأخيرا لانه كيخماج مع الصهد وخصو الثلاجة وكل مرة خصنا طبخ طبخ وصفي 

اللهم الزيت مركز وفيه كل العناصر وريحتو كطير فيسع وماكيوسخ ماكيلون ولكم واسع النظر