الطريقة الصحيحة لغسل الأسنان

للعناية باليدين: 
خودي الماء سخون وديريه فشي طاسة وحطي فيه إيديك حتى إرطابو مزيان وخرجيهم ودهنيهم بزيت العود وتبعيها كل ليلة .

للعناية بالرجلين : خودي لماء سخون وديري معاه عصير الحامض وحطي رجليك فيه حتى يرطابو وجبديهم ومسحيهم شوية وحكيهم حتى يتنقاو وديري فازلين خلطيها مع الدواء الأحمر ودهني بيها رجليك ولبسي تقاشر ديما متحيدهمش من رجليك.

للعناية بالشعر: خودي الفلفلة حلوة قطعيها قطع صغيرة وشوية التومة ورقديها فزيت لعود لمدة 48 ساعة بقاي ديريها لشعرك ديما وخليه بلا خرقة باش شعرك يتنفس وبقاي ديما ديري زيت لشعرك خاص شعرك يبقى فيه الدواء .

للعناية بالجسم: خودي زيت العود ودهني لحمك كامل قبل متنعسيى وبقاي بيه وكل ليلة دهني لحمك بالزيت ونعسي وغتشوفي الرطوبة لغتحلي عليها. 

للعناية بالوجه: أولا حاولي تبعدي على المكياج أكثر ما يمكن وتبقايش غي للقيتها تلبقيها خصوصا ذوات البشرة الدهنية والحساسة خصكم تعرفو الحاجة لي كتوافق الوجه والحاجة ليمكتوافقوش المهم خودي الخرقوم البلدي والفورص ولحليب وزيت أركان وديريه لوجهك مدة 20 ولا 15 دقيقة وغسلي وجهك بالماء صافي بلا صابون وخودي لقطن وديري فيه لماء ورد وحطيه على عينيك ورتاحي وفي الليل حطي ثلج في فوطه ودوزي على وجهك باش تقفل المسام.

للعناية بالأظافر: خودي صباغة وديري فيها تومة وبقاي تصبغي بها ضفارك حيت كتقوي الاظافر وكتخليها قوية .
للعناية بالمناطق الحساسة: خودي المايزينا خلطيها مع عصير الحامض ودهني المناطق الحساسة وغتلحظي الفرق من أول إستعمال .
وأخيرا نعطيكم وصفة للجسم ملي تبغي تمشي للحمام.

خلطي الحناء مع الخميرة ديال العجين مع صابون البلدي وعصير الحامض والداد والماء دافي وديريه للجسم بأكمله مدة نصف ساعة إلى ساعة نتي وجهدك وبعد دالك خودي الخرقة وحكي بها جسكمك وشوفي العجائب وفي نفس الوقت البياض وفي الدار ديري فازلين مخلط بالكركم ومع المداومة كتفتح اللون وتوحدو .

أما بالنسبة للصحة حاولي تاكلي أكل خفيف ومفيد كولي الخضروات والفواكه وشربي الماء بزاف وأهم حاجة الراحة والنوم الكافي باش تباني ديما مشرقة وحيوية .