السلام البنات من الوصفات لي مجربهم شخصيا بغيت نقولي على وصفة ماشي زوينة وانما هائلة لحب الشباب كان مفقصني وتايخلي ليا الاثار فوجهي ماكانش كثير بزآاف ولاكين تايكونو شي 4 ولا 5 تلحبات كبار وحمرين تايديرو الراس بيض ومتايحيدو تاتينوضو وحدين خرين هاد الوصفة قريتها فواحد المنتدى ومدتهاش فيها دازت مووودة وتانشوف الوصفة ديما فالصفحة الاولى والناس تجاوبو معاها وبزاف تناس جربوها وعطاتهم نتائج رائعة وواحد العضوة دارت موضوع خآاص شكرات فيه مولات الوصفة وعاودات دكرات بيها ل الاستفادة المهم طولت عليكم قررت نجرب الوصفة وفعلا طلعات زوينة بزاف حيدات ليا الحبوب فصيمانة وهاني باقي كنديرها باش اصفا شوية وراه اصلا بداو تايحيدو حتى الاثار
الوصفة بالحرف من عند مولاتها هي:
1/غسل الوجه لي هو دهني طبعا 3 مرات في اليوم بصابون طبيعي انا كاندير الطاوس
2/الماسك اليومي ولي هو السر: الغاسول الابيض+دانون مسوس+الفرماج العادي
راه وخا الفرماج غني بالدهنيات وهادشي لي عكزني عالوصفة فالاول وانما راه تيصفي لوجه والغاسول الابيض تبارك الله عليه ل الحبوب اما دانون هداك راه معروف زوين لوجه
انا تاندير الماسك دابا مرة ولا 2 فصيمانة
تعليقات
إرسال تعليق